恭賀曼聯英超三連霸

成功建立皇朝

仲有一關歐聯決賽

比心機!!

聽日要比賽啦..

希望順風順水啦

打之前去返轉佐敦睇下有冇用先

265B的奇遇

話說今日去天水圍交樣辦

搭265B回程途中

有一位小姐(下稱 a小姐)開住個手機聽歌,勁大聲

坐佢前面既兩位小姐轉頭同佢講唔該關左佢

突然之間a小姐失晒控,又話法例邊條唔準播歌,又話做乜無啦啦撩起我把火

我估前面兩位果時9成心諗:"撞正個傻既添"

點知a小姐越鬧越興奮

開始問候人地媽媽,又出現"做雞"等攻擊性詞語

終於引發對罵

前面其中一位小姐用手指兇佢,"你好啦喎,xxxxx!!"

之後a小姐尤如當年既李華度插水一樣,作出中招狀,大聲話:"xx,你打我,我要報警"

跟住車上面d人開始起哄,"喂,邊有打你呀,咪搞事啦"

a小姐最後好似d小學生唔服輸,走落樓下搵車長話要報警

結果司機o係青山公路旁邊停左架車..搞左陣再叫d乘客搭第架車走

就係搞d咁既野,足足遲左唔知幾多分鐘先返到公司

以上事件證明呢家因為經濟不景氣

香港人壓力又大左

所以搭巴士果陣要眼觀四周,小心翼翼

費事一陣無意間"挑釁"到人,俾人媽叉都唔知咩事

話咁快就20有1

老矣老矣

多謝晒咁多位同我慶祝既朋友

踏入21幾日

就完成人生中第一次既工幹..

返左大陸一日遊

除左好眼訓之外,都ok正架

yahoo既geocities要關了...

超好睇廣告  x  2

睇住個月曆

噢,我的神!

4月先有紅假

當堂嚇一跳,然後得啖笑..

有排都未有得放返個油牆假期